نفسى ألف مصر كلها
محافظة محافظة
نفسى أروح سيوة والسلوم
والداخلة والخارجة
وحلايب وشلاتين
وفى كل مكان أروحه
أصلى فى مسجد جامع
وأكل أيس كريم من محل مشهور
كل مرة بطعم مختلف
وأروح مكتبة أشترى كتاب
وفى كل مرة أكتب فى مفكرتى
إسم المسجد
وتقييمى للأيس كريم من A إلى D
وعنوان الكتاب
نفسى أبقى بطل أوليمبى
مش مهم فى إيه
المهم ميكونش مصارعة يابنية
لأنى شايفها قلة أدب مش رياضة
نفسى أحب واحدة زى القمر
أو على الأقل أنا شايفها كدة
وأنقج ونمشى فى الشارع من غير خوف
لأنها مراتى
نفسى أقدر أساعد أخى الصغير
إنه يتجوز قبلى البنت اللى بيحبها
وإنى أعمل أى حاجة
أى حاجة لأبى وأمى
نفسى أحج أو أعتمر
نفسى أموت وربنا راضى عنى
والناس تفتكرنى بالخير
وتدعيلى بالرحمة
مفيش احلام بعيده عن ربنا ..هيا يمكن لسه وقتها مجاااش
ردحذف..بس ان شاء الله ربنا يحققلك ايلي تتمناه ويكرمك امين يارب العالمين
جزاكم الله خيرا
حذفنورتى
نفسك ونفسك ونفسك الله دى النفس الليى تودى صاحبها الجنه
ردحذفكل امنيه من امنياتها تتقل ميزان الحسنات
ربنا يحقق لنفسك الطيبه كل ما تتمنى وتكون ابن بار واخ حافظ لصلة رحمه
خالص دعواتى بالتوفيق ( ربنا يفرح نفسك وقلبك ويرضى كل الرضا عليك )
رسالتك وصلت
حذفنعوذ بالله من طول الأمل لكن الواحد أحيانا الدنيا بتسيطر عليه
جزاكم الله كل خير
نورتى
ردحذفربنا يحققلك كل أحلامك وأكتر مما تمناه ( باللى يرضيهولك ربنا )
جزاكم الله خيرا
حذفنورتى
السلام عليكم...
ردحذفأسأل الله أن يمن عليك بتحقيق كل أحلامك.
آمين~~
وعليكم السلام ورحمة الله
حذفجزاكم الله خيرا
نورت
مدوّنة الزّمن الجميل يسعدها أن تتقدّم لك بأحلى التهاني بالعام الجديد 2013
ردحذفكل سنه وانت بالف خير
ردحذفومحقق كل احلامك
وعجبني جدا
كلمة او انا شايفها كده
هنا هتكون حبيت بنت مش زي القمر
روحها هي اللي زي القمر
وده الحب اللي بيعيش
:))
بس ايه علاقة المساجد بالجيلاتي
:))
جيلاتى :))
حذفتصدقى الكلمة دى وحشانى
بصى هو مفيش علاقة أنا لما باحب أروح أى مكان
باحب أعرف المساجد والمكتبات ومحلات الايس كريم :))
نورتى
بجد حبيت مدونتك من أول ما دخلتها , حسيت انى بتكلم مع حد زيى كده , ويبدو ان كلامك على ابواب مدونتى فعلا صح ان احنا بنتشابه فى حاجات كتير .
ردحذفانا برده نفسى الف محافظات مصر محافظه محافظه واصلى فى جوامع مختلفه وان كان ده انا بحاول اعمله فعلا , ونفسى احج واعتمر واسافر بلاد كتير واموت وربنا راضى عنى
بجد سعيد انى هنا
كل سنه وانت طيب ,
أنا ليا الشرف يا حبيبى والله
حذفوفى إنتظارك دائما
نورت
بجد احلام كلها جميله أوى و مفيش حاجه بعيده علي ربنا قرات الموضوع ده قبل كدهبس لما قراته تانى فهمت حاجات كتير . لعلك ترضي
ردحذفربنا يحقق لنا ما يرضيه عنا
حذفيا ريت تفهمينى فهمتى إيه أصلى دماغى تخينة شوية :)))
قرأت الموضوع اول مرة قبل حوالي شهر وقراته تانى مرة بالامس لعلك فهمت الآن ما اعنيه
ردحذفاللى فهمته إنك قرأتى الموضوع مرتين
حذفولم أفهم قصدك بالحاجات الكتير :))
عموما الحاجات الكتير دى معرفتها مش هتفرق كتير خاصة دلوقتى .
ردحذفبس فعلا الكتابة تقدر تعبر عن حاجات كتير إحنا ممكن منقدرش نقولها
ردحذف