كتبت وقلت قبل ذلك أنى
وفى هذه الأيام عاد الأمر إلي
ولكنه أقوى وأشرس
فهو تمرد ممزوج بالغضب
وقد مس منى الرضا هذه المرة !!
فاسمحوا لى أن أنفث عن غضبى
لو عمرك م ركبت عربية زى دى
أيوة عربية المواشى يا قاهريين - مش ده كلامكم -
وبتركبها الساعة 5.30 فى عز البرد عشان توصل محاضرة الساعة 8.30
والشبورة تخليك نازل منها كأنك خارج من الحمام
لو سمحت متتكلمش عن إنك بتتعب فى المواصلات
لو الكهرباء عندك مبتقطعش طول السنة زى رمضان اللى فات
وتقعد باليومين والتلاتة مبتجيش
ولو حبيت تذاكر ، تذاكر على ده
وتشغل شمعة واحدة عشان توفر ويفضل طول الليل ومش مهم عيونك
لو سمحت متتكلمش إنك تعبت فى الدراسة
ولو أنت مخترع أو بتصمم مشاريع وبتشترك فى مسابقات وبتاخد جوايز
ومعندكش معمل فى كليتك زى ده قعدت تخشه خمس سنين
أرجوك متقولش عنى فاشل
ولو عندك مكتبات عامة وخاصة وأكشاك بيع كتب
وكل خطوتين بياع جرايد ومجلات
بعد إذن حضرتك متتفزلكش بثقافتك على واحد كان بيركب فى العربية إياها 8 كيلو
عشان يشترى مجلة العربى بضعف التمن وبعد وصاية من اسبوع فات !!
ولو حضرتك بتدخل فى خمس دقايق تكتب تدوينة زى دى
لو سمحت متتريقش على حد بيستخدم دى
لأن أصلا التليفونات رفاهية الدولة شايفة إن أمثالنا ميستحقهاش
واللى حينظر ويقولى
النجاح من العزيمة الفولازية وكل الكلام بتاع التنمية البشرية ده
بأقوله
ماذا إذا كنت شخصاً عادياً جدا وأردت النجاح
أحلال علي غيرى حرام علي ؟!!
والله أنا لا أتذمر من وضعى
فقط لا يطلب أحد منى أن أكون مثقفاً عبقرياً لم ياتى الزمان بمثلى !!
تعرف ان اللى بيتعب جدا فى أى حاجة بيوصلها فى حياته بيبقى ليها متعة وفرحة كبيرة جدا
ردحذفولما يتعب تانى بيحب تعبه ده لأنه بيثبتله انه مش انسان تافه عايز كل حاجة على الجاهز
ومهما كان اللى وصله قليل بالنسبة لناس غيره مش تعبت قد تعبه بيكون من جواه مرتاح لأنه عمل كل اللى عليه
حس كلامى ده وهتلاقيه جواك وكبر دماغك من الناس التافهين وماتسمحش لحد يأثر عليك أو يقلل من حماسك وطموحك
تقديرك لو مش أخدته فى الدنيا هتاخده من رب العالمين فى الآخرة
متشكر جدا
حذفوالله أنا راضى وفل
بس التمرد اللى بيجيلى ده
يلا الحمد لله :)
نوتى
السلام عليكم...
ردحذفقرأت كلامك، وصدقني إن قلت لك أن كثير من الناس (وربما أكون واحدا منهم) قد عانى في حياته أو في جزء منها، وكثير منهم (وأتمنى أن أكون منهم) قد نجح بفضل الله قبل أي شيء في تحويل تلك المعاناة لقصة نجاح عظيمة لا يصدقها الكثير!
صدقني.. تمر علينا لحظات نكره فيها الحياة، ونحن نرى الآخرين يتمتعون بحياتهم ولا يعانون، لكن بمجرد أن تحقق الإنجاز، يتهاوى كل هؤلاء أمام عيونك!
لا تستسلم أبدا..
فنحن قوم لا نعرف الهزيمة، ومهما كانت قسوة معاول الهدم، إلا أنها لا تنال منا بل تبنينا!
وأذكرك بقول المتنبي:
إذا غامرت في شرف مروم... فلا تقنع بما دون النجوم
فطعم الموت في أمر حقير ... كطعم الموت في أمر عظيم
والله ليس هذا تنظير.. لكنه عن تجربة... وليتني أستطيع أن أقول أكثر من ذلك...
فقط .. كن ممن يثقون بالله.... "كثيرا"
تقبل تحياتي...
وعليكم السلام ورحمة الله وبركاته
حذفوالله يا بهاء أنا مش زعلان من الاوضاع
ولا أنا الحمد لله اللى يستسلم او يمل
كل اللى بيضايقنى كلام أناس ولدوا فى النعيم
ثم يتسائلون لماذا لا نكون مثلهم ؟!!
الأبيات معلقة عندى فى الغرفة :)
نورت
حسه كلامك وجعني اووي...بس كده
ردحذفأنا أسف مكنش قصدى والله
حذفنورتى
واحد صاحب بابا كان بيكلمه من السعودية
ردحذفبيقولوا ايه
تصدق رغم ان كل حاجة هنا نضيفة
بس وحشني مصر باللي فيها ^_^
تلوث يعني والذين منه..!
ايه اللي جاب الموضوع للموضوع !
الرفاهية مش كل حاجة,ومش دايما حلوة
وصدقني ,كلنا بنشوف بعض من بره بس,
لكن لو عرفنا بعض من جوه
عمرنا ما هنسيب نفسنا ولا حياتنا
الحمدلله ع كل حاجة
وع فكرة حضرتك مش لوحدك
انا بردو مش قاهرية ^_^
كما قلت للجميع
حذفأنا راضى الحمد لله بس التمرد بيتشغل أحياناً
وللأسف لم يعد يقتصر الأمر على القاهريين بس
ده بقى اللى ساكن فى الشارع اللى جنبك النضيف بيبصلك
من فوق
يلا الله المستعان
الحمد لله
نورتى
بالرغم من إنى حسيت بألم وانا بقرأ كلماتك و حزن علي حآل بلدنا إلي عمله فينا كده ...بس صدقنى الناس إلي بتتعب أووى دى ربنا بيعوضها أضعاف مضاعفه و غالبا الناس المرفهه و المنعمه دى بتكون عآيشه بدون هدف لإنه مش عايز يتعب فأى حاجه ومتعودتش علي كده. و أى نجاح بيجي بعد تعب كبير بتكون لذته أجمل بكتيييير . و دى حاجه لمستها في حياة أبي. لعلك ترضي
ردحذف