ياااااااااااااه
خلاص باقي إسبوع وأتم السنة زواج
مش عارف أقيم التجربة قوي
بس إحساسي دايما
إنه باكدج كدة على بعضه
لو انت بتحب اللمة والعيلة
والدفء الأسري
وكل المعاني الجميلة دي
ح تبقى مبسوط بالزواج
وده برضه يعتمد على طبيعة زوجتك وأهلها
أما بقى لو زي حالاتي بترتاح وانت لوحدك
برضه ح يعتمد على طبيعة زوجتك :)
الحمد لله كما ينبغي لجلال وجهه وعظيم سلطانه
عمري ما كنت متخيل إني ح أبقى مرتاح ومبسوط كدة
خاصة مع إنسانة هي معترفة إننا مختلفين جداً
مختلفين في طباعنا شوية
مختلفين في هوايتنا
لأن هوايتها الوحيدة هي النوووووم :)
بس مرتاااااح جداااا معاها
حبي ليها هو الحب الهادي ده
اللي بيتشعوط مع أول سنة غيرة مني أو منها
شعوطة لذيذة :)
بس طبعا مفيش حاجة اسمها تتجوز وتبقى حر كدة طليق
الجواز مليان قيود
وبأتخيل لما ربنا يمن علينا بأطفال
أنا احتمال أهرب :))
الزواج سكن
مع الإنسان الصح
وأظن رغم دماغها الناشفة دي
إن ربنا كرمني ورضاني أخر رضا
الحمد لله :)
حمدا لله ع السلامة يا عم، واحشني كتير وربنا يا محمد
ردحذف:)
أكيد طبعا كنت مستخبي في البلكونة وأنت بتكتب البوست ده، صح؟؟
عادي يا محمد، احنا برضه ياما استخبينا وياما مسحنا بوستات. مش عيب
إيييه
يقال والله أعلم أن الواحد مننا بيفضل مستغرب الوضع أول أربعين سنة، وبعد كده بيتعود.
نصيحة من أخوك حاول تموه البوستات اللي زي دي، يعني مثلا (ثواني كده لما أبص ورايا) خليها بعنوان: مما قرأت / منقول / اكتبها على لسان أي حد، إن شالله حتى طيور وحيوانات زي كليلة ودمنة كده، واحنا هنفهم، صدقني المتجوزين بيحسوا ببعض .. زي البوست ده كده مثلا، أي حد غيري، كان ممكن يفتكر أنك بتتكلم عن نفسك، وكان ممكن أي زميلة بحسن نية تتدخل تعلق عليه. تخيلت مصيرك؟؟
اهدا يا محمد احنا عايزينك، واجمد كده يا بطل، بكره بإذن الله تخلف و ...
لما أخش بقى علشان الجو رصاص وأنت عارف العضمة كبرت وما بقتش استحمل الضرب زي زمان.
:)
فاعل خير
حبيبي
حذفانت اللي سامحني ع تأخر الرد
انا مبسوطة جدا انك بتتكلم كده، قول من ده كتير لأسباب كتيرة اهمها الرضا وحاول تستمر في الافصاح لانها اكيد هتقرأ لو مش معاك هتقرأ لوحدها، هتتبسط وهتفتكر لك ده وهي وحدها زي ما هتظهر لك وهي معاك
ردحذفمبــــــــــــــــــــــــروك عليك الست دي
وكل عام وانتم بخير
الله المستعان
حذفوانتي بخير وصحة