ست جميلة
ينبع جمالها من بساطتها
يبدأ يومها مع بزوغ الفجر
قبل ما زوجها يصحى
تقوم بكل نشاط تصلى وتحلب الماشية
تعمل منها جبنة وزبدة وخلافه
وتبيع الزيادة عن الحاجة للمساعدة على ظروف المعيشة الصعبة
على بال ما جوزها يصحى ويصلى
تكون جهزت أحلى فطار بإمكانياتها المحدودة
يسرح الزوج على الغيط
وتبدأ الزوجة فى توضيب البيت وتهويته وتنظيفه
يبقى بيت من الطين
ونفسك تدخله وتقعد فيه
من نضافته وجمال ريحته
بعد ما تخلص
تلحق زوجها على الغيط
تشتغل معه ولا أجمد راجل
وتسيبه وترجع قبل ما يخلص
ولما يخلص ويرجع
يلاقيها عاملة أكل نفسها فيه مخليه روعة
وبتتقمص شخصية سعاد حسنى فى فيلم الزوجة التانية
تدى العيال حتة من البطة
وهى فتفوتة والباقى للراجل
لأنه فى نظرها هو اللى بيشقى وبيتعب !!!
ورغم كل اللى عملته فى يومها
لما الليل يدخل تلاقيها ملكة جمال
فى كامل زينتها لزوجها
بقميص نوم بعشرين جنيه من سوق السبت
تنام بدرى وعلى وشها إبتسامة رضى
عشان تبدأ بكرة اليوم من أوله :)
انت نسيت حتة صغيرة، وهي إنها بتشحت الجيران الغـُرب لبن وقشطة وجبنة!
ردحذف..
جميل.
:)
طبعا الكرم ده شئ أساسى
حذفنورت :)
أنها المرأة :)
ردحذفليست أى إمرأة
حذفنورتى :)
قصة حقيقه لحياة الست الريفيه ^_^ ...........ساجده
ردحذفأنا سعيد إنى أصبت الحقيقة :)
حذفنورتى