ماعرفش ليه بطلت أتكلم معك عنك
بس يمكن لإني فاقد الأمل إني ألاقيكي قريب
أو لأني مش لاقي كلام أقوله وخايف أستنزف مشاعري
وأنا نفسي أقولك كل حاجة في وشك كدة :)
بس حصلي شوية مواقف مؤخراً عاوز أكلمك بخصوصها
وخلاني أفكر بخصوص بعض الصفات اللى في معظم الستات
أنا نفسي ماتكونيش قمّاصة :)
ولما تزعلي مني تيجي تقولي على اللى مزعلك وبعدين لو حابة تزعلي ازعلي
لأن العتاب يدل على إن الشخصين مهمين لدى بعض
وإنك تبقى باقية عليا
وبعد العتاب زي ما قولتلك
لو لسة عاوزة تبقى زعلانة أنا مش ح أمنعك :)
وأرجوكي بلاش لما أسألك مالك وأنا حاسس إن فيه حاجة مديقاكي
ماتقوليش مفيش :)
وتاني حاجة
قاعدة عامة
أنا عمري ما حيكون قصدي إني أزعلك
بس أنا عصبي وممكن أتخنق من موقف عادى جدا
فلو زعلتك بدون قصد
كوني سهلة الإرضاء
يعني لما أجي أصالحك مرة واتنين
اقبلي الصلح وعاتبيني
لكن ماتلويش بوزك وترفضينى
منتظرة مني أبذل مجهود أكبر
وإنتى ح تعرفي أكيد إن نفسي قصير :)
لو عرفتى إني أكيد ح أحبك
وميكونش قصدي زعلك
وتراعي الكلام اللي فوق ده
أكيد ح نرتاح كتير في حياتنا
صورة نراها يوميا ومواقف فعلا بتخلى الواحد ممكن يعمل مشكلة .. اه من لوى البوز وكمان كلمة مفيش اللى بتخنقنا بدون أى داعى
ردحذفلو ببساطة نقولة زعلانين ليه تتحل المشكلة ى لحظة
أخى محمد .. بقلمك وببساطة جدا جسدت هذه الصورة بمنتهى اليسر
سلم قلمك
ياريت فعلا نكون سهلين الارضاء طبعا فى المقدمة المرأة وكمان الرجل لأن فيه رجال بيتصرفوا كدة
لك تحياااتى
فعلا فيه رجالة كدة
حذفبس قليل
الله المستعان
نورت يا أخ سعيد
كانك بتتكلم علي لسان كل الرجالة .....هههههه
ردحذفطب الحمد لله إني مش لوحدي
حذفهههههههههههه
ردحذفكل الرجاله كده
نفسهم قصير
بص ياسيدى للمرأه كميا خاصه بيها ودماغ كده مش اى حد يقدر يفهمها للاسف
ف نصيحه منى بلاش سياسه النفس القصير ده لانه مش هينفع تماما
عالعموم ربنا يرزقك بواحده تكون سهله الارضاء
لان بعيد عنك فى نوع كده يستحيل يتراضى بسهوله بس ده لانه مش لاقى اللى يرضيه بالشكل اللى عاوزه
كل واحده وليها مفتاح
ومن الصعب على الراجل انه يعرفه
تعرف فى كاتب اجنبى مش فاكره اسمه عمل كتاب بعنوان ما يعرفه الرجال عن النساء والغريب ان الكتاب صفحاته فاضيه
يعنى المؤلف عايز يوصل للرجاله انهم معلوماتهم عن النساء زيرووو
ههههه
حذفشفتي
مش أنا بس
اللى مش فاهم الستات
ربنا يستر ويرزق
نورتي