كانت هتفرق فى الوداع

لو كنت بس ساعتها عارف إن دي المرة الاخيرة

مية مية كانت هتفرق في الوداع

كنت هحضن سندس اللي في تانية تالت على المشاع

واحنا طالعين من اللجان بعد آخر امتحان

واسألها لو بتشوف فلان ,, طب فاهمة مادة ميس إيمان

طب ينفع ابقى اجيلكو عادي ؟

قصدي يعني ,, البيت يساع ,, لو كنت بس ساعتها عارف

"كانت هتفرق في الوداع"

كل الشوارع و المباني اللي مش هدخلها تاني

والاغاني اللي لما سمعتها دندنتها من مرة واحدة

من السماعة يا كل حاجة كسبتها او سيبتها

يا كُل حاجة كِسبتها او سِبتها اكمنها قالت هنروح من بعض فين

يا ناس يا عُبط يا عشمانين في فرصة تانية للُقا .. بطلوا أوهام بقى

و كفاية أحلام و اسمعوا عيشوا بذمة و ودعوا

كل حاجة بتعملوها و كل حد بتشوفوه

كل كلمة بتقولوها و كل لحن بتسعموه

عيشوا كل مشهد زي ما يكون الأخير

اشبعوا ساعة الوداع و احضنوا الحاجة بضمير

ده اللي فاضل مش كتير

كلمات عامية سمعتها وأعجبتنى