الفلاحين بيغيروا الكتان بالكاكي
و يغيرو الكاكي بتوب الدم
و بيزرعوك يا قطن و يا السناكي
و بيزرعوك يا قمح زرعة علم
و بيدخلوكي يا حرب فحم الحريقة
و بيزرعوكي يا مصر شمس الحقيقة
و إنت ميدان الحرب سينا البداية
إنت جنينة الصلب و النصر راية
إنت البكا و الغلب إنت الرحاية
إنت البارود و الحب و الحرب جاية
غنوا التلامذة الصبح للحرية
الفلاحين ضموا غيطان القمح
رفعوا الرايات بالفجر متندية
رفعوا السنابل بنادق
عبوا البنادق بارود
الرملة قادت حرايق
و النار في دم الجنود
و الحرب زي جناين الحرية
مهرة و مالهاش حدود
و الحرب لسة في أول السكة
إتفجري يا مصر
إتفجري بالحرب ينفلق النهار
إتفجري بالحرب ضد الجوع و القهر
ضد التتار
و إتسلحي بالحرب للحرية
و إتفتحي وردة بدم و نار
إتجمعي من ألف صرخة و ضحكة
و الحرب لسة في أول السكة
زين العابدين فؤاد
8 أكتوبر 1973 م
جميله جدا
ردحذفبس ياريت تكبر الخط المره الجايه
وياريت تلغى كلمه التاكيد فى التعليقات
تحياتى
متشكر جدا
حذفوالله ياريت يا عمرو بس أخوك جاهل قولى ازاى وأنا أعملها ع طول :)
رائعة فقد ناقشت قضية هامة جدا ومازالت أمتن رغم خيراتها تعاني منها تحياتي الصادقة
ردحذفشكرا لمرورك الكريم ونسعد بأرائك دائما
حذفمادام الكلام فيه شمس يبقا كل الكلام صح الصح
ردحذف:))
عندك حق طبعا :)
حذفشكرا لمرورك الظريف وأسعد به دائما:)
والله ابهجتني يا أستاذ بتذكرك هذا الشاعر الفذ الأستاذ زين العابدين فؤاد. القصيدة رائعة وهي نفس القصيدة التي تسببت في كثير من المعاناة التي نالها الرجل لسبب بسيط وهو إنه بيحب بلده بشعره وبطريقته. والله انت رجل تمام. مع خالص تحياتي
ردحذفد. محمد زكريا الأسود
أسعدنى جدا تشريفك يا دكتور
حذفولا تحرمنا من أرائك القيمة
تحياتى