كل البلد دلوقتى شغالة خبير إستراتيجى
وناشط سياسى وحقوقى
ومفكر إسلامى
ومدرب تنمية بشرية
الكل بيتكلم فى كل حاجة
مش مهم أبداً إنك تكون بتفهم فى أى حاجة
المهم يكون ليك كاريزما كدا
وشعرك منكوش
ولابس نضارة
وشتمتلك خمس ست شخصيات عامة
وكام جرنال على توك شو إتكلموا عنك
مبروك
أنت من النخبة !!
والله كنت واخد عهد على نفسى
أسكت فترة كبيرة
أستجم فيها
بعيد عن السياسة والمشاكل
بس سبحان الله تلاقى ناس كدة غرضهم الوحيد إنك متبطلش كلام
م هو لو إنت بطلت حيشتموا فى مين ؟!!
وبعدين ده باب رزق وسبوبة حلوة
ولو مفيش فلوس ف إحنا أهه ثورجية ومعارضون ونضاليون
أقرب مثال
قصدى مهنة
خبير دستورى
الدستور ده بيمهد لفرعون جديد
هو حضرتك قرأت المسودة ؟
طب حضرتك قرأت دستور واحد وسبعين ؟
قرات الدساتير اللى إتعملت لمصر قبل كدة ؟
قرأت أى دستور لأى دولة وشوفت صلاحيات الرئيس؟
م هو مش لازم أقرأ عشان أعرف الإخوان عملوا ايه
فعلا ده حتى القراءة غلط على الصحة
أنا لا أدافع عن دستور ولا إخوان ولا أى حد
أنا نفسى نسكت
مش عيب تقول مبفهمش فى الحتة دى
مش عيب ندور على حد نتعلم منه
ولا إننا نثقف نفسنا الأول وبعدين نتكلم
يا ريت نسكت
السلام عليكم
ردحذفكلامك صح
لكن ما تتعبش نفسك
احنا عندنا اعلام ما بيحسش
وكمان النكبة المثقفة مابتحسش
ربنا يحرق نايل سات 6 شهور عشان مصر ترتاح
وعليكم السلام ورحمة الله وبركاته
حذفأنا تعبان جاهز ف قلت افضفض بس شوية
والنايل سات ملوش ذنب اهو من فلوسنا فى الأخر
نورت
والله يااخى الكريم انت قلت تقريبا اللى اناكتبته فى مشاركة لى اليوم بجد نفسى نسكت تحياتى اليك
ردحذفشفته
حذفنورتى
عندك حق والله كلنا بنول كده الشعب المصرى بطبعه كده عامل زى ما يكون ما بيصدق يتحرر هههههههه نساله سبحانه ان يصلح الامور للافضل
ردحذفاللهم أمين
حذفنورتى
أنا نفسى نسكت
ردحذفمش عيب تقول مبفهمش فى الحتة دى
مش عيب ندور على حد نتعلم منه
ولا إننا نثقف نفسنا الأول وبعدين نتكلم
يا ريت نسكت
عندك حق
بس تقول لمين
تقريبا بقينا مش بنسمع غير صوتنا بس
تسلم ايدك
تسلمى من كل مكروه
حذفنورتى
السلام عليكم...
ردحذفلن يسكتوا!!!
لسبب مهم جدا تفضلت وأشرت إليه هنا، وهو أن مجرد الكلام "سبوبة"، فما بالك لو أتى هذا الكلام بنتائجه المرجوة من تأليب نفوس المشاهدين على البلد وعلى كل من يحاول أن يصلح؟
إذن فهي ليست مجرد سبوبة مادية وخلاص..
لا
دي سبوبة مادية ومعنوية وسياسية وملوخية ومهلبية كمان!!
تحب أغرفلك؟
...
التوقيع: مواطن مفقوع!
وعليكم السلام ورحمة الله وبركاته
حذفعندك حق
بص هو لو ملوخية أن ضعيف قدامها :)
بس لو كوسة أو قرع أنا شبعان
التوقيع : مواطن عمره م ح ييأس
مساء الغاردينيا مسلم مصري
ردحذفوحين يكثر الحديث تتوه الفكرة
وبين البلبلة يضيع الصدق "
؛؛
؛
حفظ الله مصر من كل مكروة
أستاذي لم أجد في مدونتك أيقونة متابعه ؟
لروحك عبق الغاردينيا
كانت هنا
reemaas
مساء الخير أخت ريماس
حذفأنا مكنتش اعرف إن فيه حد عايز يتابع :)
نورتينى
في ناس بتستكبر تقول مااعرفش
ردحذفوفي ناس لما انت تقول لهم مااعرفش يعتبروك جاهل وكأن الانسان لازم يعرف كل حاجه في اي حاجه
واحده جاتني المعرض وكانت عايزة حاجات فافي منهم حاجه جديده مااعرفهاش
فالما قلت لها مااعرفش الحاجه دي حاضر هشوف مصادرها فين وبتتعمل ازاي
استغربت جداااااااااا
واعتبرتني مش شاطره في مهنتي مع اني لما دورت عليه لاقيت ان دي حاجه لسه جديده ومستورده كمان
:)))
شغلينى معك فى المعرض وأنا اعرف الناس دى الأدب
حذفإستغلالى موت :)
نورتى