مريم
حبيبتي ....
دي أول مرة ح أكتب لك فيها
ماعرفش ليه مافكرتش أكتب قبل كدة
انتى دلوقتي عندك سبع شهور بالتمام والكمال
أنا مش مصدق والله J
للأسف بتكبري يوم ورا يوم وأنا بعيد عنك
مش عارف لحد إمتى
بس عاوزك تعرفي حاجة واحدة بس
إن قلبي انشق على حبك
حب ماشوفتوش وماعينتوش قبل كدة
لدرجة إني خايف
أيوة خايف عليكي طبعاً
بس خايف برضه على قلبي منك
خايف يكون تعلقي بيكي أكتر من ربنا والعياذ
بالله
وعاوزك تعرفي إني سبتك واتغربت عشانك والله
أيوة بأحب أمك وأيوة عاوز أحسن من وضعي
لكن إنتي السبب الأول
مش عاوز ف يوم يعدي عليكي يكون نفسك في حاجة
ماقدرش أجيبها ليكي
أيوة دي طريقة غلط في التربية عارف
لكن أنا بحبك
ونفسي تبقي معايا
وبأحسد أمك على إنها قادرة تشوفك بتكبري قدام
عينيها
وبتعملي حركات أول مرة تعمليها J
مهما حصل بعد كدة ..... مهما يكن
افتكري إن أبوكي ماحبش في حياته قدك ولا حتى
نفسه
ليست هناك تعليقات:
إرسال تعليق